Wednesday, March 31, 2010

فى أول عيد زواج ـــ ومر العام ـــ



ومر العام

وبكره يعدوا خمسين عام

ونفضل فى الهوا عايشين

ونفضل فى الحياه ماشيين

بأيادى متشبكين

متشبسين بأمانينا

حبيبى !!

كان لازم من الاول

إن نكون لبعضينا

ومر العام

وبكره يمر وراه أعوام

ونسير سوا وسط الزحام

أب وأم

خاله وعم

وضحكة طفله تشيل الهم

ونفضل فى الحياه ماشيين

بإيدينا المتشبكين

ونمشى فى الحياه أجداد

ونلاعب كتير أحفاد

ونحكى ان فى زمنا كان

هناك شابين

ولد وبنت طيبين

حبوا يشبكوا إيديهم

ويمشوا فى الحياه خايضين

كل المشاكل

وكل الزحام

لحد اليوم

وبعد مرور كل الأعوام

قعدوا يحكوا لأحفادهم

كل اللى كان

وكل اللى قابلوه فى حياتهم زمان

حبيبى وعمرى

وقلبى وحياتى

فى اول عيد زواج

بهديك عمرى اللى فات

بهديك عمرى اللى جاى

بهديك دمى وروحى

بهديك قلبى وطموحى

بهديك نفسى وحياتى

علشان نبدا سوا

وندعى لربنا

ونقول من قلبنا

يارب ياللى سامعنا

وخالق الأكوان

ما تجعل لسعادتنا

فى يوم أبدا ختام

7 comments:

Anonymous said...

امين زوجتي
وشكرا
وكل عام ونحن على طاعتة ومحبته دائمين

Anonymous said...

السلام عليكم ورحمة الله وبركاته
عقبال ما تكتبى بمناسبة بمرور العيد ال100 على زواجكم
وحواليكم احفادكم ان شاءالرحمن
يارب دايما يجكمعم فى سعاده وهناء وتكون حياتكم مليانه طاعة وايمان
اللهم اميييييييييييييين

مها البنا said...

يااااااااااارب امين

ربنا يتقبل منا ومنكم ومن المسلمين

أمييييييييييين

farah said...

اختي عجبني كتير احساسك واستسمحك في نقله في حائطي على الفايس بوك لاني عندي دكرى زواجي بمرور العام وان شاء الله عقبال 100 سنة ليك انتي وزوجك ودائما مجموعين على طاعة الله

farah said...

اختي عجبني كتير احساسك واستسمحك في نقله في حائطي على الفايس بوك لاني عندي دكرى زواجي بمرور العام وان شاء الله عقبال 100 سنة ليك انتي وزوجك ودائما مجموعين على طاعة الله

مها البنا said...

فرح

كل عام وانتٍ وزوجك أقرب وعلى طاعة الله أدوم

أكيد يشرفنى أساهم ولو بقدر ضئيل ويسعدنى انك تنشريها على الحائط بتاعك

لكن هستأذنك تكتبى بقلم من أو تضعى رابط المدونه

وأشكرك جدا على زوقك مع تمنياتى لك بدوام السعاده

تحياتى

farah said...

اميييييين


اشكرك اختي