قلم جذاب
بسنه فتحلى ألف كتاب
فى أول صفحه من كتبه
لقيته حكالى ع الأحباب
وقالى انى بعيد عنهم
وانا منهم
بسبى عاشوا فى الواحه
وشافوا المياه فى الساحه
شافونى على شفا البركه
بنادى بصوتى أحبابى
تعالوا انا هنا واقفه
وجونى لقونى وهم سراب
قلم جذاب
فى صفحه من كتاب تانى
حكى عن كل خلانى
وقالى اصحابك اليومه
فى بحر الدنيا بيعوموا
وكل صديق من همه
بيدور على حضنى
لقلب بجد بيضمه
وانا وحدى
فى مركب تانى وببحر
شايفه الشط واتمخطر
عاوزه أكون مع اصحابى
لكنى بعيييييييييييد
وعلى طول المدى منظر
لصاحبه بإيدها بتجدف
والبلاءات على راسها بتتحدف
وانا وكل اللى شايفينها
مشينا بعيد وسايبينها
قلبت على كتاب تالت وانا خايفه
ومن كتر ما كان مكتوب تمنيت لو ما اكون شايفه
رأيت الكذب متزوق ببسمه خفيفه على شفه
رأيت الضحكه مخنوقه فى جوف الشاب
رأيته كهل او عاجز وصوته ضباب
رأيت الطفل بيحدف حجر وتراب
على دبابه من لونها
ومن ترسانها وسنونها
قدرت اعرف
عدد من كانوا م الشهدا
صرخت الصرخه فى ضلوعى أبت تطلع
حاولت اشده من وسطه لكن أبدا
رفض يرجع
وكان اخر كلام قاله
بدمى ودم اخواتى
بلادى أكيد لازم ترجع
جريت على كتاب رابع وانا م الهم منهاره
قعدت اتابع الأخبار
وكل صفحه أرصدها
ألاقى الهم متنطور فى جنباتها
ويسحبنى فى غياماتها
اتوه وتاخدنى وياها لاحزانها
وأحس بصرخه جوايا بتقولى ان انا منها
حاولت اجرى
لقيت قلبى بيندهلى
بيعتبلى
وقالى انتِ بعيد فى الغربه سايبانى
قفلتى عليا مليون باب
وباعدانى عن الأحباب
وكان لازم أقولك يوم فى رساله
تقول مشتاق لقى احبابى فى الدنيا
فى يوم هنروح بعيد عنها
فى لحظه او يجوز ثانيه
لقيت قلمى بيبكى دموع
وقالى بصوت مهوش مسموع
انا عندك .. قول وانا هخط كتاب
وخط أديله ألف كتاب
مكملتش قريت خمسه
لكن لسه هناك لسه
وكل كتاب من كتبك
مخطوطلك بيندهلك
وبيقولك
بلاش الدنيا تغويكى عن أهلك
كفايه بعاد عن الأصحاب
فى بلادك هناك أحباب
بيستنوا سوا ع الباب
وينتظروا سوا رجوعك
رجوع الحب للأحباب
وبمضى على كل كتاب
أنا قلبك
وبطالبك
بإنك تفتحيلى الباب
إمضائى وبمساعدة
.
.
.
قلم جذاب
No comments:
Post a Comment