Tuesday, March 2, 2010

عاوزه أكتب حاجه جديده




عاوزه أكتب حاجه جديده


حاجه توضح فكره عنيده


عاوزه كلام مليان إحساس


حاجه تخش قلوب الناس


عاوزه أكتب حاجه جديده


عاوزه الدنيا تكون حاجه تانيه


مليانه حب وأمانى


عاوزه الدين جوه قلوبنا


والدنيا فى إيدينا من تانى

**********

عاوزه أكتب حاجه جديده

حاجه ترجع أمه مجيده


أمه عاشت بالقرآن


سادت بيه كل الأقوام


ولما بعدت عن الإسلام


رجعت تانى فى الذل وحيده


عاوزه أكتب حاجه جديده

**********

حاجه مليانه بفكر جديد

حاجه جوانا وإراده حديد


حاجه ترجع شعب مجيد


شعب إرادته كانت مسلوبه


وعادت له من تانى عنيده


عاوزه أكتب حاجه جديده


**********

عاوزه أكتب عن أفكارنا


عن ناس عاشوا وسكنوا ديارنا


جولنا ضيوف وإستوطنوا فيها


بنو جدران وحفر بعديها


وقالولنا دى بيوتنا ودارنا


ورفعناها حديده حديده


عاوزه أكتب حاجه جديده


**********

عاوزه أقول عن إخوات ليا


عاشوا فى النار بعد الحريه


وإتفرقوا فى الدنيا دى هيه


رافضين أى محاوله جديده


تعيشهم تانى فى حريه


عاوزه أكتب حاجه جديده


**********


لكن قلمى معاند فيا


مش عاوز يحكى بحريه


بيقولى خليكى سلبيه


لاحسن يوم يهروكى أذيه


وتكونى ورا الشمس وحيده


عاوزه أكتب حاجه جديده

6 comments:

Anonymous said...

جميله يامها

ولكن هل هذا البيت صحيح


والنيا فى إيدينا من تانى


ام

والدنيا فى ايدينا من تاني


بارك الله لك فى قلمك

واتمنى ان تعود امتنا لدينها حتى تسود الأمم كما كانت

Maha Elbana said...

بارك الله لكم فى تصحيح البيت

هو فعلا بيقول (والدنيا فى إيدينا من تانى) لكن يبدو خطأ أثناء الكتابه جارى تصحيحه بإذن الله

جزاكم الله كل خير ونفع بكم

وكلنا بنتمنى نفس الامنيه

ان يوم من الايام تعود أمة محمد كما كانت وليس كغثاء سيل

اللهم استعملنا ولا تستبدلنا

امين

Anonymous said...

جزاك الله خيرا اختاه على التعديل
وبارك الله لك فى قلمك
ورزقك من خير الدنيا والاخره

Anonymous said...

رائع ما سطر قلمك

بانتظار المزيد كما نتمنى الا تقتصر االم
ونة على الشعرفقط

Anonymous said...

Hello, nice site. Posted by myself in bookmarks
[url=http://ordervicodin.org/]vicodin without prescription[/url]

مها البنا said...

Thank you .. But what do you mean with "Posted by myself in bookmarks
[url=http://ordervicodin.org/]vicodin without prescription[/url]"

Welcome to my blog