أول مره حقيقى أخاف
أخاف م الألم
وأخاف م الأمانى
وأخاف م الهوى
وأخاف من زمانى
خايفه يجف قلبى
من بسمة الأمل
ويبقى زى أرض
بتموت م العطش
مشتاقه للأمان
لأى قطرة ندى
ترجع اللى كان
بخاف الليل وسهره
بخاف م النهار
وأخاف الفرح ييجى
يهده الإنكسار
بخاف أعيش كتير
وبعمرى ذنبى يكبر
وأخاف أموت قريب
وأنا جيبى فاضى وأكتر
وأخاف إن قلت كلمه
الناس تعتب لسانى
وأخاف أسكت يقولوا
سلبى ــ جبان ــ أنانى
أخاف أصرخ لا صوتى
يكسر جبال الكون
وأخاف أطلق دموعى
أموت غرقان فى يوم
نفسى حقيقى فى كلمه
أقولها للى باعونى
وفى الحياه ظلمونى
يا ناس حرااام كفايه
بجد بقى إرحمونى
2 comments:
السلام عليكم ورحمة الله وبركاته
الكلام اللى كتبتيه مش محتاج اى تعليق
انا حاسه انه كلام واحساس كل واحد فينا
يمكن كلاماتك البسيطه عميقة المعنى خرجت جزء كبير من اللى جوه كل واحد
ما اعرفش ليه ارتحت لما قراتها
بارك الله لك فيما كتبتى
واستمرى اختى الغاليه
وايز .. كالعاده رأيك يهمنى وبشده
وفعلا الكلمات يمكن تكون مش محترفه قوى لكنها كانت من القلب
أجمل شئ سمعته منك هو إنك إرتحتى لما قرتيها
وإن ربنا كرمنى وكنت سبب فى راحتك
نورتى صفحتى البسيطه اختى فى الله
ومتحرمنيش من رأيك
Post a Comment