Friday, May 7, 2010

هو أنا ليه مش قادره أضحك؟


هو أنا ليه مش قادره أضحك؟


مش عارفه أفرح .. ولا حتى أبتسم؟



كل اما اقول الفرح زار بابى


ألاقى الحزن فوق ملامحى بيترسم


كل أما أحاول احط بسمه فوق شفايفى


يخونى دمعى وأحس نفسى بتتقسم؟


هو أنا ليه مش قادره ابتسم؟


دايما بحس الدنيا دى مش دنيتى


جيت فيها عافيه والطريق مش سكتى


ولا ليا صاحب كان أمين غير دمعتى


ولا ليا غير نبضه فى قلبى تمدنى


شريان حياه لحد ما تحين عودتى


الفرحه ليه مش عاوزه تيجى تودنى؟


كل أما أعدى بحار أغرق و غيرها يهدنى


هو الحياه مستمتعه بكسرتى؟



ولا الهموم من شرعها ودى قسمتى؟




مش عارفه !!!



2 comments:

waelrshwan said...

روعة يافندم

كل مدونتك جميلة

بس ما تنسيش مكنة الزجالين عشان كلنا بننتظرك

ربنا ما يحرمنا منك

مها البنا said...

أستاذ وائل

لما حضرتك تشهد بإن تلك التخاريف والخربشات روعه

يبقى لازم أعتز بشهادة شاعر متمكن من الكلمه والمعنى زى حضرتك

جزاك الله خيرا وبارك لك على فكرة المكنه الرائعه

دمت على خير أخى الفاضل