لما حلمت !! حلمت أكون
بسمه كبيره وفرح عيون
نسمه ولمحه فى قلب حنون
لما حلمت !! حلمت أعيش
زى الطير بجناح من ريش
يوم فى الأرض ويوم فى السما
وإن جروحى متقتلنيش
لما حلمت !! حلمت بإنى
واخده الدنيا وأهلى فى حضنى
عايشه ما بينهم بهزم حزنى
وفى أحضانهم أبكى وأرمى
كل همومى من على كتفى
لما حلمت !! حلمت بزهره
ورده تفتح علشان بكره
وأزرعها فى أيامى وعمرى
فاتنبت لى أجمل شجره
وترجعنى لدنيا الشعرا
لما حلمت !! حلمت كتير
وعدى العمر وصرت كبير
وعرفت إن الحلم يا دنيا
مهما حلمته وعيشته وشفته
يفضل حلم وصعب أطوله
وإتعلمت فى حلمى الحكمه
وعرفت الصبر على أصوله
علشان كده أنا هحلم تانى
وأصبح أنام عايش أحلامى
يمكن يوم واحد يتحقق
حلمى وأعيش أحلام غيره تانى
2 comments:
لما حلمت حلمت بصاحب
يوم ما احتاجه الاقاه صاحب
يوم الشده ويوم الفرح
القي ايديه بايديه مراحب
الاقاااه ساااحب
ع الخير واااخد
ولقيت صاحبي وفرحت انا بيه
وبسلم من قلبي عليه
وبقوله برافو يا صاحبي
اللى بتكتبه ولا شيء يكفيه
طبعا كلمات ضعيفه جدا
امام كلماتك يا اعز صاحب
مهااااا
رااااااائع
وما شاء الله
ولا قوه الا بالله
وخمسه وخمسين وخمسميه من عيني
بحبك ف الله يا صاحبتى
مين فين ليه وازاى وامتى؟؟
ومحدش يقولى؟؟
ضعيفه؟؟؟؟؟؟؟؟؟؟؟؟
بتهزرى اكيد يا دعاء
انتى ناسيه انى كتبت الزجل على ايدك؟؟
ما شاء الله يا بنتى
استاذه والله ربنا يباركلك
وبعدين يا ستى بتخمسى ليه
انا عارفه انك عمرك ما هتحسدينى
يا دوب نق على خفيف كده هههههههه
بجد سعيده انك نورتى المدونه من تااانى
ليكى وحشششششششششه
Post a Comment