Saturday, November 26, 2011

حكاية دم


دايره وبنلف فيها .. ونهايه مفتوحه
كله مربوط فى ساقيه .. وقلوبه مجروحه
دمه بينزف يا عينى .. والدم شئ غالى
يسقى الأراضى فيطرح .. نخلها العالى
والدم ده يا إخوانا .. حكايته ولا فى الخيال
دم الولد والبنت .. والعم ويا الخال
دم الصبايا السمر بضهرها المفرود
دم كده ما تعرفه .. شربات ولا بارود
دم نزف ونزيفه .. من شوقه عدى حدود
عدى حدود الصبر وسرح فى ملك الله
طلب الحياه بالأمر .. وعلى الحكم يخضع
الدم أصله حر .. والحر لن يركع
دم وعمال يطوف ع الأرض فى الميادين
يصرخ بحس ألوف .. غااضب ليوم الدين
لو يوم تسيبونى أنزف من غير دوا وحكيم
ودوايا ياللعجب .. نظرة من الحاكم
ينزل يشوف لوعتى ويحاسب الظالم
يدينى حريتى .. لو حتى بعد ما أموت
مش برضه من حقتى .. أسرح مع الملكوت؟
من غير ما أكون مربوط؟
 وأكسر كل القيود؟
بتنكروها عليا وأنا دمى علشانكم؟؟
إدتهولكم هديه تنفع فى أحزانكم
لجل ما تتداوا بيه .. من داء إسمه
.
.
.
السِـكــوُووت



17 comments:

سواح في ملك اللــــــــــــــــــه- said...

المشهد الاسوا

مشهد الدماء

كلامك جميل جدا

تحيتي

ظلالي البيضاء said...

أستاذة أيام ..
بعد إلقاء التحية والسلام ..
تطيلين الغياب ولكنك كإطلالة القمر عندما تطلين تأتين بروائع الكلام .. ودقة التعبير .. وكامل الإحساس .. فتعبّرين عما يعتمر صدورنا من الألم .. بكلمات وأسلوب رائعين ..
دامت أناملك بكل خير .. وبارك الله بك .. مع التحية ..

ظلالي البيضاء said...

عذرك أستاذة مها ..
ناديتك في التعليق السابق بغير اسمك .. خطأ فني ..

هبة فاروق said...

الله عليكى حبيبتى
كلماتك اشعرت بدنى وادمعت عينى
شاعره رائعه بحق

راحلة للقصيدة said...

السلام عليكم ورحمة الله وبركاته

كتبتى فأجدتى فابدعتى حبيبتى
تحفةةةةةةةةةةةةةةةةةةةةةةة بجد
جاء كل حرف فيها بصرخة علا صوتها فوق صفحاتك

اللهم أزيد قلمك موهبة واحساسك ثراء.

اسمحى لى بالتواجد هنا دوما

راحلة للقصيدة.

وجع البنفسج said...

دايره وبنلف فيها .. ونهايه مفتوحه
كله مربوط فى ساقيه .. وقلوبه مجروحه
دمه بينزف يا عينى .. والدم شئ غالى
يسقى الأراضى فيطرح .. نخلها العالى

مؤلمة وحزينة يا مها

ربنا يرحم الشهداء ويشفي الجرحى ويصلح الحال يارب

قلوبنا معاكم دائما وابدا

مها البنا said...

سواح فى ملك الله

فعلا .. مشهد الدماء صعب جدا .. لكن الأصعب منه أن تجد من يتهم صاحب الدم بالخيانه وهو من بذل ما يملك من أجل أرضه

تحياتى

مها البنا said...

ظلالى البيضاء

حصل خير .. أتمنى أن يكون الزجل قد أسعدك حقا

دمت فى خير

مها البنا said...

هبه فاروق

بلوجر كله نور يا جميل .. ربنا يباركلك .. رافعه دايما من معنوياتى :)

مها البنا said...

راحله للقصيده

الكلام عندما يخرج من القلب لن يجد له طريقا الا قلوب الأخرين

لقد أتعبنى منظر الدماء المتناثر على الأرض العربيه هذا العام .. وأتعبنى أكثر إتهام البعض لأصحاب الدماء بالبلطجه

جزاك الله خير الجزاء عن دعوتك وجعل لك نصيبا منها

أمين .. نورتينى

مها البنا said...

وجع البنفسج

الألم فى القلب أشد من الألم بين الكلمات

رحم الله الشهداء وربط على قلوب ذويهم وشفى جرحانا .. امين

دمتى فى حفظ الله

Wise said...

السلام عليكم ورحمة الله وبركاته
طبعا زهقتى منى فانا مش هطول عليكى واقول لك بجد رائعه اكيد انتى حفظتى
ردى ورغم كده ما منعنيش انى اعيدها تانى
نرجع للقصيدة
تحفة ماشاء الله
اهم حاجة اننا نلاقى طريق للخروج من الدائرة ده

Timo.. said...

مختفية بقالك كتير ليه...؟؟
يارب تكوني بخير

كل سنة وانت طيبة يا مها :)

مها البنا said...

Wise

عروستنا الحلوه

وحشاااانى وواحشنى تعليقاتك

أدعى ع النت ولا على الشركه؟؟ مش عارفه

ربنا ما يحرمنى من تشجيعك أبدا يارب ويباركلى فيكى

مها البنا said...

Timo

مش مختفيه ولا حاجه .. أنا لسه منزله بوست على المدونه التانيه (الى البحر) هنا http://forward2sea.blogspot.com/2011/12/blog-post.html

كل سنه وحضرتك طيب وبخير

MR.PRESIDENT said...

يا طير أسير محبوس
نفسك تطير بره
لحد ما تخرج
اطرح لي كام فكره

سلمت أناملك

مها البنا said...

Mr. President

الفكره موجوده وجوه القلم قاعده
راسمه خطوط سودا محسوبه بالكلمه
الجهل هو الأساس
مكتوبه ع الكراس
والعلم فينا انظلم
وخلاص
مفيش فايده