Wednesday, February 9, 2011

سؤال

سألتنى ليه ما بتبكى؟
صعبان عليا حالك
إحكى اللى عندك وإشكى
أنا عاوزه أعرف مالك
ليه العينين حزينه؟
إحكى وريحى بالك
أنا قلت هبكى ليه؟
ومين اللى يستاهل؟
أنا دمعى غالى عليا
ونزوله مش ساهل
والقلب مهما شرب
من غدر أو غربه
ومهما جسمى أتوجع
من شدة الضربه
عمرى ما هبكى فى يوم
ولا حتى دمعى يحن
ده انا قلبى غالى عليا
وعمرى ما برضى بظلم
أبكى على اللى خان؟
ولا اللى كتم الحق؟
ولا اللى ماشى يدوس
بجزمته ع الخلق؟
أبكى على الجبان؟
ولا اللى مش قال لأ؟
وشهد بالزور عليا
وحلف يقول الصدق؟
أبكى على مين قوليلى؟
مين فيهم يستحق؟
أنا دمعى عندى غالى
مش حبر على الورق
لو يوم تنزل دموعى
على غدرهم ليا
سيبت إيه لحبايبى؟
وإخواتى ونور عنيا؟
سامحينى مقدرش أبكى
ع العينه ديا
أنا دمعى كيف الدم
يجرى فى شرايينى
ومهما كوانى الهم
هفضل فى عشرينى
عرفتى ليه ما بابكيش؟
ولا أحكى من تانى؟

25 comments:

dreamsofwise1 said...

مهاالبنا:السلام عليكم ورحمة الله وبركاته
جميلة اووى يامها
تعرفى انى استغربت جدا
ان الاحداث ده مااثمرتش عن زجل جديد لك
بس الحمد لله دهشتى ما استمرتش
عجبتنى جدا جدا الابيات ده
أبكى على اللى خان؟
ولا اللى كتم الحق؟
ولا اللى ماشى يدوس
بجزمته ع الخلق؟
أبكى على الجبان؟
ولا اللى مش قال لأ؟
سلمت يداكى
وفى انتظار جديدك

wise

Casper said...

حقيقة خاطرة أكثر من رائعة
رغم الحزن الطاغي على أحرفها
لكنها بالتأكيد حملت معان راقية في أسلوب سلس وبسيط

خالص تقديري لفكرك وقلمك

إبن النيل said...

مها السلام عليكم
بالرغم من عدم رغبتي في كتابة اي شيئ لكني اردت ان اعبر عن اعجابي بما خطة قلمك وتعبيرك عن حالتنا جميعا لكن ليست عيني هي التي تبكي ولكن قلبي هو من يبكي لبعدي عن وطني وغيابي عن شرف مشاركتي اخواني واصحابي من شباب مصر العظيم في هذة الثورة الفريدة

شيرين سامي said...

خاطره معبره في حزنها و رقتها
تسلم ايدك
تحياتي الخالصه لكي

قهوة بالفانيليا - شيماء علي said...

يا بلادي لكِ السلامة :)
آن لكِ الآن أن تبتسمي أكثر :)
أن تفتحي عينيك للمستقبل أكثر
يا حبيبتي بلادنا حرة
:)
و تم استردادها بالكامل
مبروك الحرية

مها البنا said...

wise

كالعاده .. أسعدنى مرورك وتعليقك ويارب تكتفى بالخاطره دى لفتره كافيه لن واضح أنه ليس لدى جديد فى الوقت الحالى
:)

مها البنا said...

Casper

جزاك الله خيرا على الرد الجميل .. والحمد لله إنها عجبتك

خالص إحترامى

مها البنا said...

إبن النيل

كلنا هذا الرجل .. ربنا يعيدك لبلك بالسلامه وتعمر فيها بعلمك وعملك بإذن الله

دمت فى حفظ الله

مها البنا said...

شيرين سامى

يسلم مرورك يا قمر .. نورتى بجد (:

مها البنا said...

شيماء .. صباح القهوه اللى كلها فانيليا :)

الحمد لله على حرية بلادنا .. والحمد لله إنها فعلا اتغيرت .. يارب يديم علينا النعمه دى

اما الحزن فسامحينى .. لأن أستطيع الإستمتاع بحرية بلدى حتى أنال حريتى الخاصه

لازالت هناك معركة خاصه يجب أن أخوضها :)

دعواتك يا ست البنات

أفلح اليعربي said...

السيدة الكريمة مها البنا

تحية طيبة

كلماتك جميلة تنم عن العاطفة الصادقة

أسعدني التواجد هنا

لك تقديري

أفلح اليعربي said...

سيدتي الكريمة




تحية طيبة

بصفتك أحد أفراد الطبقة الواعية في هذه الأمة

أرجو منك التكرم بالمشاركة في هذا الموضوع وأبداء رأيك بصراحة

رأيك يهمني جدا ، فأرجو منك عدم التردد في المشاركة وذكر رأيك بصراحة بعيدا عن المجاملات .


أرجو أن تقرأوا الموضوع كاملا ثم بعد ذلك تضعون رأيكم


الموضوع تحت هذا الرابط

http://ahdmari.blogspot.com/2011/03/blog-post_01.html


أشكر لك حسن تعاونك

وجع البنفسج said...

عن جد روعة ..كلماتك اعجبتني كثير وخاصة انها لمست جزء مني كبير وهو البكاء على الفاضي والمليان ، بأحاول ابكي على اللي مستاهل بس شو اعمل في طبيعتي المتقلبة.. عموما امتعتينا بجد ويارب ما يحرمنا من جديدك ..

مصطفى سيف said...

مفيش بكا بعد اليوم
خلاص ولادك فاقوا يا مصر وهيمسحوا دموعك
خاطرة جميلة اوي
سعدت في اول زيارة لمدونتك
تحياتي

وردة الجنة said...

أنا دمعى كيف الدم
يجرى فى شرايينى
ومهما كوانى الهم
هفضل فى عشرينى


ماشاء الله بجد كلمات لا يسعنى الا قول انها مميزة تخرج من القلب للقلب

لك مودتى ......

مها البنا said...

أستاذ أفلح اليعربى

الحمد لله أن كلماتى لاقت صدى عند حضرتك وأنا أسعد بمرورك الكريم على المدونه وإن شاء الله مش تكون أخر مره

أما بخصوص الموضوع اللى حضرتك طارحه فى اللينك فه موضوع جدير بالنقاش حقا .. وقد سجلت رأيى هنا ومستمره فى متابعة الحوار بإذن الله

دمت فى خير

مها البنا said...

وجع البنفسج

نورتى يا قمر .. كنتى محتفيه فين؟

الحقيقه البكاء بالنسبه ليا شئ صعب جدا .. لكنى لم أبالغ عندما شبهته بالدم .. فالمرء لا يتخلى عن دمه الا لمن يستحق فقط .. أسأل الله ألا تدمع عيناكى الا من الفرح وأن يجعل لك من كل أمر مخرجا .. أمين

مها البنا said...

مصطفى سيف

الحمد لله على نعمه .. ويارب مصر تعدى أزمتها على خير .. ونقف على رجلينا من جديد بعهد جديد وعلى أسس متينه

نورت المدونه

مها البنا said...

وردة الجنه

أخجلتنى كلماتك بقدر ما أسعدتنى

جزاك الله خيرا على التشجيع والحمد لله الذى هدانا لهذا

نورتى المدونه

mrmr said...

ازيك يا مها
وحشتينى يا قمر
احسنتى
ربنا يكتب لنا الامان والاستقرار

د.ريان said...

مساء الخير مها

ومدونة رائعة وجميلة

دام قلمكم

دمتم بود

همس الحنين said...

أبكى على مين قوليلى؟
مين فيهم يستحق؟
أنا دمعى عندى غالى
مش حبر على الورق

***

مساء العطر مها

حقاً دموعنا غالية

وليست حبر فقط

خاطرة معبرة وصادقة

سجلي اعجابي بركنك الراقي

تحياتي

مها البنا said...

mrmr

ازيك يا قمر .. أنا هنا تحت النظر أهو

يارب يستجيب لدعائك ويقدرلنا الخير جميعا يارب

نورتى يا قمرايه

مها البنا said...

د ريان

الحمد لله ان المدونه حازت على اعجاب حضرتك .. ويارب تستمر فى أطلالاتك الطيبه

دمت فى حفظ الله

مها البنا said...

همس الحنين

مررت بمدونتك أولا لأرى هل سيسعدنى حقا إعجابك أم أنه مجرد إطراء عابر .. والأن بعد أن عدت من تلك المدونه الجميله .. لا يسعنى إلا أن أشرف بتسجيل إعجابك ها هنا بمدونتى المتواضعه وأتمنى أن تكثر إطلالاتك على كلماتى

بارك الله لك فى موهبتك