Thursday, August 5, 2010

الحمد لله


الحمد لله إن لينا إله وبنعبده
محسن كريم وحليم والكل بيوحده 

غلبان قوى اللى ماليه إله فى وقت الضيق

يرفع إيدينه ليه ويأنس باحلى رفيق

راسه تلامس السما وهو فى مسجده

يمسح همومه كلها ويرفع محنته

ويساعد كل تايه إنه يلاقى سكته

الحمد لله إن لينا إله وبنعبده

وقفت كتير على بابه تعبانه وبنادى

وكل اللى بترجاه إنه يكون راضى

يغفر ذنوبى كلها ويحسن خواتيمى

وساعة الحساب يرزقنى كتابى بيمينى

ومن الكوثر هناك فى الأخره يروينى

ويعلى ذكرى فى جنته واكون بصحبتهم

فاطمه وخديجه وعائشه واللى رضى عنهم

ربى وخلقنى فى الدنيا وهدانى انى احمده

الحمد لله إن لينا إله وبنعبده

وقت الفرج شاكرين فيزيدلنا فى كرمه

وفى شدته صابرين يهبطلنا بحلمه

قوى وشديد ورحيم غرقانه أنا فى نعمه

إزاى يا بنى أدمين ناسكم دا هى بترفضه؟

الحمد لله إن لينا إله وبنعبده
*********

33 comments:

Wise said...

سلام عليكم ورحمة الله وبركاته
ماشاء الله كل مرة والموهبه فى رقى وتطور
وكل مرة قلمك بيعكس اللى جو كل واحد منا
بمنتهى الابداع

انا فعلا لما باقرا لك باحس انى باقرا لحد من الكبار
مش مجامله خالص على فكرة
انا فعلا بيعجبنى قلمك وطريقتك جداااا ماشاء الله
الحمد لله إن لينا إله وبنعبده
رووووووعة استمرى

Do3aa EL-Shoprawy said...

السلام علبكم ورحمة الله وبركاته

حبيبتى مهااا

صدقيني .. من زماان بقولهالك
قكري ق موضوع الكتاب ده

اهتمى اكتر بالجانب ده جواااكى
انتى بجد كتاباتك تستاهل انها تخرج للنور

ماششاااء الله عليكي
الى الامام يا قمر

ملحوظه ( عاقله اهو متشاقتش معااكى ههههههه)انتهي ...ـ

Anonymous said...

مبدعة كعادتك
وان شاء الله تأنسي بصحبة من تحبين فى جنات الفردوس بإذن رب العالمين

Noha Saleh said...

الله الله على الكلام الجميل
استقبال حلو لشهر رمضان
الحمدلله على كل شىء وربنا يرضى عننا كلنا يارب

ورمضان كريم
وكل سنة وانتى طيبة يا اجمل مها فى الدنيا

واحد من العمال said...

السلام عليكم

فعلاً الحمد لله إن لينا إله وبنعبده
جميله كلماتك وسبب جمالها الصدق والعفويه

وكل عام وأنتِ بخير حال وبوعى

مها البنا said...

وايز

كبار مره واحده؟

يمكن بالنسبه ليا الميزه من وجهة نظرى فى اللى بكتبه هى الاحساس

يعنى لما بحس بفكره واقتنع بيها وتشغل حيز كبير فى قلبى وعقلى .. بخرجها على الورق

ويمكن عشان كلام القلب دايما ملموس وحوار العقل دايما محسوس

فبتعجبك كلماتى

ليس لجودتها الشعريه ولا اللغويه

وإنما لأنها تمس شيئا بداخل كل منا


سعيده قوى برأيك .. رغم انى معترفه انى لست محترفه .. ولكن قلمى يقوده الإحساس :)

مها البنا said...

دعاااااء

عليكم السلام ورحمة الله وبركاته

كتااب؟

يا جماعه بطلوا لأحسن أصدق

وبعدين يا قمر إتشاقى براحتك

المدونه مدونتك .. عيشى بقى :)

مها البنا said...

Anonymous

شكرا

مها البنا said...

نهى

ربنا يتقبل منك الدعاء يارب


وكل سنه وانتى الى الله أقرب ومن جنته أدنى

مها البنا said...

واحد من العمال

فعلا الحمد لله إن لينا إله بنعبده

سعيده جدا برأى حضرتك وأتمنى تتابع الجديد معانا

كل عام وأنتم بخير

Magdy Hatem said...

الحمد لله
كل عام وانتي بخير
وجميع الامة الاسلامة بخير
ما ابدع ما تكتبين
جميلة فعلا
والحمد لله علي نعمة الاسلام

سلسبيل said...

كلمات راااائعة
جزاك الله خيراً حبيبتى
و كل عام و انتى بألف خير
رمضان كريم

مها البنا said...

أستاذ مجدى حاتم

فعلا .. الحمد لله على نعمة الاسلام .. وكفى بها نعمه

كل عام وحضرتك بخير

وأسأل الله أن يكتبنا وإياكم والمسلمين من عتقاؤه فى هذا الشهر الكريم

مها البنا said...

سلسبيل

جزانا الله وإياكى كل الخير

أسعدنى مرورك يا قمر وكل سنه وانتى طيبه والى الله اقرب

عمرو يسرى said...

كلمات جميله جدا جدا
واسلوب اجمل
كل سنه وانتى طيبه وبخير رمضان كريم

Timo.. said...

كل رمضان وانت الى الله اقرب.
كل سنة وانت بكل الخير والسعادة :)

mrmr said...

مبدعه حقا جميلتى

كل سنه وانتى طيبه

رمضان كريم

مها البنا said...

أستاذ عمرو يسرى

كل سنه وحضرتك طيب

نورت المدونه

مها البنا said...

أستاذ تيمو

كل عام وأنتم الى الله اقرب ومن الجنه أدنى


نروت المدونه وأتمنى تمر عليها مرات عديده

مها البنا said...

مرمر

نورتى المدونه

وكل سنه وانتى بخير حال


متحرمنيش من مرورك يا قمر

Anonymous said...
This comment has been removed by a blog administrator.
قهوة بالفانيليا - شيماء علي said...

صباح الورد يا مها
عاملة ايه في شهر الرحمة ؟؟
:)
تقبل الله طاعتك ..
خاطرتك جميلة و بسيطة اوي ..
:)
تحية حب خالصة مع دعاء من القلب

Anonymous said...

جميلة جزاكى الله خيرا

مها البنا said...

صباح النور يا شيماء

الحمد لله يا قمر .. أنا تمام وبخير والحمد لله

وتقبل الله منا ومنكم يارب

مرورك دائما ليه مذاق خاص عندى

يارب اشوفك كتير (:

وتقبل الله منك صالح الدعوات ورزقك خير منها .. أمين

إبـــتـــســـــامــه عـريـضـه من القلب ودعوه بظهر الغيب (:

مها البنا said...

Anonymous

جزانا الله وإياكم

علاء المصرى كل يوم said...

كل عام وأنتم بخير

مها البنا said...

أستاذ علاء المصرى

كل عام وحضرتك بخير والى الله أقرب ومن الجنة أدنى

Badr said...

Gameela awy :)

مها البنا said...

أستاذ بدر

دى أول مره تنور المدونه

الحمد لله إنها عجبت حضرتك

كل عام وأنتم الى الله أقرب

Badr said...

كل عام وأنتم الى الله أقرب
أشكرك علي ذوقك و تر حيبك
أكتر حاجة عجبتني الأحساس
مش مجرد كلام
keep going :)

مها البنا said...

أستاذ بدر

الحمد لله الذى هدانا الى هذا وما كنا لنهتدى لولا أن هدانا الله

أسأل الله أن يتقبل منكم الصيام وصالح الأعمال ويجعلنا وإياكم من عتقاؤه فى هذا الشهر الكريم

أمين

Anonymous said...

بوست جميل

مها البنا said...

الحمد لله انه عجبكم

شرفتونى بالمرور