Friday, April 19, 2013

في عز العتمة


في عز البرد والعتمه
لسه القلب بيعافر
وبيخاف من زمان عدى
ومن بكرة
وبيخاف من كلام اتقال
وبينزف من الشدة
ولسه كتير جوه القلب من كلمة
ومن همسة
ومن صرخة
ومن لمسة
ولسه حاجات كتير لسه
لكنه في صمته متلحف
ومتكتف
وطعم الصرخه جوه ضلوعه طعم الدم
وبينزف
لكن عندي ليكم بشرى
أنا لسه
اكيد لسه بقلب جرئ
ولسه القلب نبضه برئ
ولسه في روحه كل الخير
ولسه صديق
ولسه الحب في عيونه
ولسه الخير زارع ورد
وسط الضيق
وفي الضلمة
هغسل قلبي واتوضا
واصلي الفجر في المحراب
وبعد الفجر هستنى
مهو لازم أشوف الصبح
بعد العيشة في العتمة

6 comments:

شيماء علي said...

يسلم قلبك :)

موناليزا said...

الله:)
جميلة

مها البنا said...

شيماء علي

تسلميلي يارب :)

مها البنا said...

موناليزا

إنتِ الأجمل يا عزيزتي :)

richardCatheart said...

الللللللللللللللللللللللللللللللللللللله

مها البنا said...

:)