Friday, August 10, 2012

أيوه عادى


أيوه عادى على فكرة
وطبيعى جدا كمان
أسرح أو أفكر فى بكره
أو أخاف وأدور ع الأمان
أيوه عادى أعيش حياتى
أو أقفًّل كل البيبان
وبرده عادى تكون حياتى
بين الفرح والأحزان
أبيض .. عادى
أسود .. عادى
حتى كمان لو لونها رمادى
هى الدنيا .. وأنا الإنسان
ليه بتقولى مش عارفانى؟
ليه بتخافى ومش حسانى؟
أنا بتغير؟
برضك عادى
طيب بصى !!
عيشى حياتى
غنى يوماتى
وإملى عيونك لمعة فرح
وسيبى الجرح
أبقى عيشيه فى الضلمه لوحدك
وليلة سعدك ..
يوم ما جفونك تبقى تنام
ومع الأيام ..
راح تنسينى
وهتنسحبى من شرايينى
ويومها هعاتبك أنا وهقولك ..
إتغيرتى 
ياااه .. وكبرتى
يجى ٣٠ سنه كده فوق عمرك
ليه يا حبيبتى؟
علشان عيشتى بدالى يومين؟
طيب عادى ..
إرجعى زمنك تانى يا شابه
وبطلى لومى مع اللايمين
أصل الناس يا حرام مش فاهمه
ومش عارفين
إن أفراح الدنيا قليله
وإن الحزن في منه كتير
بس الناس مش عاوزه تصدق
عاوزه الواحد منا يا ستى
يرسم ضحكه جميله على فمه
وهو بيغرق
يبقى أنا ليه أشغل بالى بيهم؟
أيوه سيبيهم
أصل حياتى مش واقفه عليهم
ولما تعوزى فى يوم لمساعده
عندك ربك
أوعى تروحى لواحد خلقه
وإفتكرينى
بس إياكى تعيشى سنينى
عيشى حياتك عادى وطبيعى
إفرحى .. عادى
وإزعلى .. عادى
بس إيااكى
أيوه إيااكى فى عز حماسك
تمشى ورايا وتعيشى حياتى ،،،

15 comments:

ظلالي البيضاء said...

السلام عليكم ..
وكل عام وأنتم بألف خير ..
نعم ألم الحياة وحزنها وفراقها وظلم أهلها .. أصبح من عاداتها ودأبها فلا نفاجأ بها ..
دمت بألف خير مع التحية الطيبة ..

غُفرَانْ said...

لا شيء مَعنيٌ بالسعادة سوى القربُ من الله
و باقي الأمور تحمل التعاسة و الفرح معاً !!
فقط ( عيشي حياتك ) :")
أحرفكِ جميلة تقودوني بسلاسله
من سطرٍ لسطر ~
دمتِ بذات الجمال
طبتِ

سواح في ملك اللــــــــــــــــــه- said...

الله

كلام في منتهي البساطة والبراءة والجمال

تحيتي

مها البنا said...

ظلالى البيضاء

عليكم السلام ورحمة الله وبركاته

كل عام وحضرتك وأهل سوريا فى خير وسلام

من جٌلِّ الأحداث التى مررنا بها بحياتنا .. أصبح فعلا كل شئ "عادى" ولا عزاء لمن يحتاجون المرور بالدرس أكثر من مره حتى يستوعبوه

دمت بخير

مها البنا said...

غفران ..

ألا بذكر الله تطمئن القلوب

وصفه سهله .. بس متبعيها ليسوا بالكثيرين كما كنت أظن

أسعدنى جدا انها اعجبتك وأسعدنى أكتر مرورك ومتابعتك

دمتى راقية عزيزتى :)

مها البنا said...

سواح فى ملك الله

كلما ازدادت الكلمات بساطه .. ازدادت جمالا وازدادت مساراتها فى القلوب والعقول

تحياتى

سمير عودة أبن القدس والأقصى الجريح said...

اللهم يامسير المكتوب ومقلب القلوب تبث حبي وحب من يحبك في قلوبنا أجمعين .
سلم حرفك وسلمت الأماني وأرتقى حبك لله


سواح في ملك اللــــــــــــــــــه- said...

كل سنة وانتي طيبة بمناسبة عيد الفطر المبارك

اعاده الله عليكي وعلي اسرتك بالخير والبركة

Tamer Moghazy said...

كل عيد وانت طيبة :)

مها البنا said...

سمير ابن القدس

اللهم أمييييين جعل الله لك من دعاءك نصيب

نورت المدونه

مها البنا said...

سواح فى ملك الله

كل سنه وحضرتك بألف خير .. بلغنا الله وإياكم رمضانات عديده وجعلنا فيها من الفائزين

أمين

مها البنا said...

Timo

كل عيد وأنت بخير

♥ ♥ Amira Samy ♥ ♥ said...

كلمات جميييله

تسلمى مها اتمنى يدوام التواصل حبيبتى

تحياتى لك

أميرة

مها البنا said...

أميرة سامي

تسلمي يا قمر .. كل سنة وانتِ طيبة

:)

Magdy Hatem said...

كلمات رائعة كعادتك