Sunday, June 20, 2010

يا خسارة الحب


تعرف لما تحب بجد؟

تهدى كل مشاعرك حد؟

تعرف لما تصون العشره

وتحفظ حبه رغم البعد؟

تعرف لما تكون مع ذلك مانتش عاجب؟

عاوز تبعد .. قلبك رافض؟

تعرف لما تحاول تانى تصون العهد؟

رغم الروح خلاص مش قادره

سكنها البرد؟

تعرف لما تحاول تانى تغلب نفسك؟

يصرخ عقلك

أصله خلاص بقى رافض القرب

عايش فيك بيصارع القلب

رحت وجبت شموع الدنيا

قدت صوابعك نور م القلب

لحد الشمع ما حرق الحب

قلت انا ماشى وطالب البعد

يومها يفوق

يصرخ فيك من عزم الشوق

ارجع ليا بإسم الحب

لكن رغم صراخه ونوحه

شئ جواك بيقولك لأ

طبع الواحد دايما غالب

رجوعك تانى مهوش على حق

وانت خلاص شربت الغلب

يبقى الحل ان انت تغادر

مهما يكون قلبك مش قادر

إمشى .. ومتبصش لجروحه

ولو القلب صحيلك يوم

إكتم بوحه

لأجل كرامتك لازم ترحل

لجل الغد

حتى ان كان التمن ان انت

هتقتل قلب

.

.

.

يا خسارة الحب

12 comments:

Anonymous said...

الحب أبدا لم يكن كلمات بل احترام للحبيب وللنفس وللذات
فلا تنخدعن بكلمات زينها لك شيطان النفس والشهوات

مها البنا said...

فعلاً .. الحب (الحلال) ليس أبدا مجرد كلمات
بل هو

إحتراااااااااااااااام للحبيب وللنفس وللذات

وأنا أدعو معكم كل الشباب ألا ينخدع بإسم الحب أو بكلمات تزينها شياطين الإنس والشهوات

اللهم إنا ننأى بأنفسنا عن كل ما يغضبك .. ونسألك العون ببعض من قوتك

أمين

waelrshwan said...

روعة كلماتك

عجبتني اوى رغم حزنها

مها البنا said...

أستاذ وائل
نورت المدونه وسعيده انها عجبت حضرتك

Anonymous said...

شكرا للحذف
مع ان الكلام لم يكن به ما يستوجب ذلك
لكن بارك الله فيك

هبة الله الهادى said...

ايه ده يامها رووووووووعة بجد وفعلا تحفة وكلماتها معبرة جدا

مها البنا said...

هبه .. أخيرا نورتى المدونه؟
الحمد لله إنها عجبتك يا جميل
بجد مش عارفه أرد
لكن عموما أدينى بحاول اخربش بالقلم ههههههه

Noha Saleh said...

جميلة يامها بجد بس الحب فعلا لازم يكون اساسه الاحترام بين الطرفين
وفعلا كمان ناس كتير بتنخدع لكن المفروض ان كل حاجة بتكون باينة لكل واحد ولو غمض عنيه عنها تبقى دى مسؤوليته هو لوحده

مها البنا said...

نهى .. عندك حق فى نص كلامك
فعلا الحب لازم يكون أساسه الإحترام المتبادل بين الطرفين وبرضه فعلا فيه ناس كتير بتنخدع
لكن لو كل شئ باين لينا مكانش بقى فى حياتنا نصابين محترفين وحراميه ومحتالين وغيرهم
كل شئ هيبقى باين يا نهى لو إخترعوا فى يوم جهاز سونار اول ما يعدى الشخص من تحتيه يبين كل الصفات الحلوه والوحشه اللى فيه
وده من سابع المستحيلات
ولو اخترعوه فى يوم
البنى أدم هيغير نفسه عشان يحتال عليه ويخدعه
تمام زى جهاز كشف الكذب
صدقينى يا نهى .. ساعات بيبقى سهل قوى الإنسان ينخدع او حواسه تغشه فى الحكم على اللى قدامه
اللهم جنبنا شر شياطين الإنس والجن
أمين

Anonymous said...

المسامحه شئ رائع وضروري ...



ولو كل واحد منا رفض التسامح لاصبحت الحياه اقسى واصعب ..فلابد من التسامح والتعامل مع الاخرين
للتعايش في المجتمع وللتعاطي مع الاخرين...

والاسلام حث على هذا .. بل انه امر بالصفح الجميل وهو ...الصفح بلا عتاب...
قال الله تعالى : ( وَمَا خَلَقْنَا السَّمَاوَاتِ وَالْأَرْضَ وَمَا بَيْنَهُمَا إِلَّا بِالْحَقِّ وَإِنَّ السَّاعَةَ لَآتِيَةٌ فَاصْفَحِ الصَّفْحَ الْجَمِيلَ)

(الحجر: ٨٥)


عن أبو مسعود ان رسول الله صلى الله عليه وسلم قال :
(حوسب رجل ممن كان قبلكم . فلم يوجد له من الخير شيء . إلا أنه كان يخالط الناس . وكان موسرا .
فكان يأمر غلمانه أن يتجاوزوا عن المعسر . قال : قال الله عز وجل : نحن أحق بذلك منه . تجاوزوا عنه )
أي تسامحوا .

الراوي: أبو مسعود عقبة بن عمرو المحدث: مسلم - المصدر: صحيح مسلم - الصفحة أو الرقم: 1561
خلاصة حكم المحدث: صحيح




المسامحة ‎‎- علامة جيدة .. لا لضعفك بل لقوة .

المسامحة - هي مساعدة نفسك لأن تسير في الحياة خطوات إلى
الأمام بدلاً من أن تكون واقفاً في ذات التجربة المؤلمة.


المسامحة ‎‎- هدية منك إليك

.
أليس العفو والصفح أقوى دليل على الايمان بالله عز وجل
وامتثال لاوامره سبحانه وتعالى؟!



لماذا يجد الكثير منا صعوبة بالغة في النطق بكلمات العفو
والصفح عن الآخرين ؟!

لماذا ينسون أن الكل يخطىء وأن الإنسان ليس معصوماً ؟!




دعوة لنا جميعا ان نقولها لكل من حولنا
دعوة من لقلب الى الصفاء والنقاء والراحة قبل ان يحين الموعد ولا
نستطيع ان نقولها 000

ان لكل آجل كتاب لا احد يعلم متى يحين الآوان قد يدق بابه
ملاك الموت فجاءة فيحرم ذاته من راحة الضمير والقلب
كم من احبابنا رحلوا الى وجه الكريم ولم نستطيع ان نسامحهم
او يسامحونا ونظل بعدها نشعر بالندم وتانيب الضمير



ما أجمل مسامحة الآخرين نعفو ونصفح لكلِّ من أساء إلينا أن نتغاضى عن الأمور الصغيرة التي تعكر صفو
علاقتنا مع الآخرين..
ما أجملنا وقلوبنا بيضاء صافية شفافة كالماء..

Anonymous said...

المسامحه شئ رائع وضروري ...

ولو كل واحد منا رفض التسامح لاصبحت الحياه اقسى واصعب ..فلابد من التسامح والتعامل مع الاخرين
للتعايش في المجتمع وللتعاطي مع الاخرين...

والاسلام حث على هذا .. بل انه امر بالصفح الجميل وهو ...الصفح بلا عتاب...
قال الله تعالى : ( وَمَا خَلَقْنَا السَّمَاوَاتِ وَالْأَرْضَ وَمَا بَيْنَهُمَا إِلَّا بِالْحَقِّ وَإِنَّ السَّاعَةَ لَآتِيَةٌ فَاصْفَحِ الصَّفْحَ الْجَمِيلَ)

(الحجر: ٨٥)

عن أبو مسعود ان رسول الله صلى الله عليه وسلم قال :
(حوسب رجل ممن كان قبلكم . فلم يوجد له من الخير شيء . إلا أنه كان يخالط الناس . وكان موسرا .
فكان يأمر غلمانه أن يتجاوزوا عن المعسر . قال : قال الله عز وجل : نحن أحق بذلك منه . تجاوزوا عنه )
أي تسامحوا .

المسامحة ‎‎- علامة جيدة .. لا لضعفك بل لقوة .
ء..

Anonymous said...

المسامحة - هي مساعدة نفسك لأن تسير في الحياة خطوات إلى
الأمام بدلاً من أن تكون واقفاً في ذات التجربة المؤلمة.

المسامحة ‎‎- هدية منك إليك
.
أليس العفو والصفح أقوى دليل على الايمان بالله عز وجل
وامتثال لاوامره سبحانه وتعالى؟!

لماذا يجد الكثير منا صعوبة بالغة في النطق بكلمات العفو
والصفح عن الآخرين ؟!

لماذا ينسون أن الكل يخطىء وأن الإنسان ليس معصوماً ؟!

دعوة لنا جميعا ان نقولها لكل من حولنا
دعوة من لقلب الى الصفاء والنقاء والراحة قبل ان يحين الموعد ولا
نستطيع ان نقولها 000

ان لكل آجل كتاب لا احد يعلم متى يحين الآوان قد يدق بابه
ملاك الموت فجاءة فيحرم ذاته من راحة الضمير والقلب
كم من احبابنا رحلوا الى وجه الكريم ولم نستطيع ان نسامحهم
او يسامحونا ونظل بعدها نشعر بالندم وتانيب الضمير

ما أجمل مسامحة الآخرين نعفو ونصفح لكلِّ من أساء إلينا أن نتغاضى عن الأمور الصغيرة التي تعكر صفو
علاقتنا مع الآخرين..

ما أجملنا وقلوبنا بيضاء صافية شفافة كالما