Friday, June 11, 2010

عارفه يا أمى؟


 عارفه يا أمى أنا نفسى أرجعلك
نفسى أترمى من تانى فى حضنك
نفسى أزرع وآكل من أرضك
نفسى أشرب من مياة نيلك
وأتغطى فى ليلى بسماكى
نفسى أوطى أبوس إيديكى
وأنول رضاكى
وفى النهايه أخطب ودك
لكن يا أمى كل ما أعود
أشوف دماكى ماليه سدود
وأشوف خراب الأرض البور
والنيل هناك محبوس فى قيود
أشوف لصوص سارقين خيرك
وحضنهم إدوه لغيرك
وكل ما نصَحِى ضميرك
يموتوه بضربة مدفع
والأسعار على طول تطلع
والناس بتجرى على حالها
تخاف من اللى هيجرالها
مساكين وبتربى عيالها
متسلسلين بمشاكلها
واكتشف ان بعادك
النار فيه ارحم من قربك
وان غربة ليلى هناك
اهون ما اعيش شاربه فى زُلِك
حقيقى انا نفسى ارجعلك
لكنى هفضل هنا عايشه
احسن ما اموت وانا فوق أرضك

8 comments:

Anonymous said...

جميله جدا
بارك الله فيكي
حقيقي روعة

مها البنا said...

وفيكم

الحمد لله إنها عجبتكم

شكرا على التشجيع

(ست* جنى* الحسن) said...

سلامو عليكو..
كلام جميل بيعبر عن واقعنا الحالى .
والله المستعان
لك تحياتى

مها البنا said...

عليكم السلام يا جنه
سعيده قوى انها عجبتك
خاصة بعد ما ما شاء الله قريت كتاباتك

دى شهاده اعتز بيها يا جميل

Anonymous said...

Que sigues para siempre una fuente incesante, que cada dia nos ofrezca mas perlas que no dejan simplemente callados !!! ALLAh yberiklik.!!!
Mi corazon !!!

مها البنا said...

فاطمه .. مهما اختلفت اللغه واللسان وطريقة تعبيرك
هيفضل دايما كلامك أكبر بكتير مما أستحقه
وحقيقى متتخيليش فرحت اد ايه لما لقيتك رديتى على المدونه رغم انك مسجله كمجهول
لكن روعة اللغه الأسبانيه لا تخرج الا منكِ
ده لو اضفنا ان جهازك مش عليه عربى فمكانتش محتاجه ذكاء هههههههه
وحشتينى فعلا .. واتمنى تمرى عليا فى يوم ونشوفك سواء فى مصر او براها
سلام يا تونسيتى الصغيره

هبة الله الهادى said...

رائـــــــــــــــعة بجد الله ينور

مها البنا said...

بجد؟!!

والله فرحانه كل ما بلاقيكى على المدونه

نورتى يا قمر إسكندريه