لسه مازال فى القلب النبض
ولسه خيالى ملهوش حد
لسه بقول للدنيا يا دنيا
أنا واقفه وعمرى ما هتهد
مش عارفه أنا كده لمضه لمين؟
ولا عنادى واخدنى لفين
بس أنا عارفه إن أنا عايشه
وحياتى فيها ناس تانيين
ناس علشانهم أنحت صخر
وأضرب أغوص أعماق البحر
وأطلع ماسكه فى إيدى الدر
لجل عيون أغلى الغاليين
أول مره مخافش عليا
وقت ما شفت الموت بعنيا
خفت عليهم
غصبن عنى قلبى هجرنى
وطار حواليهم
شفت دموعهم جوه عنيهم
بس الحمد لله على كرمه
ربى ستر وشملنى بحلمه
وبكره هقوم زى الجنيه
بضحك وأملى الدنيا سعاده
كلى أمل وحياة وإراده
صبرك بس يا دنيا عليا
هى دقيقه
.
.
.
شويه وجايه
.
.
.
شويه وجايه
