Tuesday, April 27, 2010

لما حلمت


لما حلمت !! حلمت أكون


بسمه كبيره وفرح عيون


نسمه ولمحه فى قلب حنون


لما حلمت !! حلمت أعيش


زى الطير بجناح من ريش


يوم فى الأرض ويوم فى السما


وإن جروحى متقتلنيش


لما حلمت !! حلمت بإنى


واخده الدنيا وأهلى فى حضنى


عايشه ما بينهم بهزم حزنى


وفى أحضانهم أبكى وأرمى


كل همومى من على كتفى


لما حلمت !! حلمت بزهره


ورده تفتح علشان بكره


وأزرعها فى أيامى وعمرى


فاتنبت لى أجمل شجره


وترجعنى لدنيا الشعرا


لما حلمت !! حلمت كتير


وعدى العمر وصرت كبير


وعرفت إن الحلم يا دنيا


مهما حلمته وعيشته وشفته


يفضل حلم وصعب أطوله


وإتعلمت فى حلمى الحكمه


وعرفت الصبر على أصوله


علشان كده أنا هحلم تانى


وأصبح أنام عايش أحلامى


يمكن يوم واحد يتحقق


حلمى وأعيش أحلام غيره تانى

Monday, April 26, 2010

راح الصوت



فى لحظه من لحظات الحياه




راح الصوت




وإتعلمت ساعتها إزاى




تبقى مرغم ع السكوت




إتعلمت إزاى الدنيا ممكن تقتلك




وإزاى الرجل تمشى وحدها فى اتجاه الموت




راح الصوت




وإتكتم الصراخ فى القلب قبل اللسان




وإكتشفت فجأه إنى باقى من إنسان




كان عايش هنا قبلى بقاله زمان




ولما زاد الحمل فوق كتافه م الأحزان




راح وسابنى أعيش هنا من غير حروف




مجرد خيال شُعَرا فى الحياه ملهوش كيان




راح الصوت




وراح معاه أصوات كتير بتحيط بنا




وفضل فى قلبى نور مليان إيمان من ربنا




عارفه ان بكره جاى فيه يسر وفيه هنا




لكن بإيه يفيدنى بكره لو مكنتش فيه أنا؟




راح الصوت




راح الصوت يامايا وباقى منى كتير كلام




منقوش على جدار الحياه




دايب فى بحور الأيام




كلام صامت بحروف شفافه م الهوا




بإيه تنفع حروف باهته ومدفونه فى وسط الزحام؟




راح الصوت




راح الصوت ورجع تانى




فرحت وقلت هتكلم




هقول جوايا وهعلم




وهنطق كل حرف جديد




وهكتب من دهب كلمات




تعيش لما يقولوا مات




لكن يَامَّا عرفت انى




رغم الصوت هنا فى حلقى




ورغم الكلمه فى شفايفى




ورغم الحكمه فى قلبى




لقيت إنى منيش موجود




ولسه الصرخه جوايا حايشها حدود




فمش فارقه بقى يا أمى




تموت الضحكه على فمى




يضيع عمرى




ولا أمشى فى طريق مسدود




مش فارقه كتير يَامَّا




يروح الصوت ..




ولا يعود




أحبك


أحبك عدد حبات المطر

أحبك عدد ما خلق الله على الارض من بشر

أحبك متى حلَّ اليمام الى عشه فى المساء

وحين يطير باحثاً عن رزقه فى السماء

أحبك اذا ما غردت العصافير ساعة صفاء

وامتزجت قلوب العاشقين فى لهفه ساعة اللقاء

أحبك عدد دقائق وثوانى عمرى الذى مرّ

أحبك اذا ما رضيت وابتسمت فى نقاء

أحبك اذا ما تلبد وجهك بالغيوم

وأرتسمت على جبهتك تلك العبساء

أحبك بالأمس واليوم وغدا

وعلى قدر ما جاد به لسانى الذى كثيراً ما ألجمه الحياء

فقط أحبك

وسيظل قلبى ينبض بذلك الحب

حتى يقبض الله روحى متى يشاء

Tuesday, April 20, 2010

همسات



إكتب يا صاحبى وقول ده الكتابه فن


ولا كل من قال فى يوم هكتب كان فنان

إكتب وقول ما فى قلبك لأحسن فى يوم نتجن

 من إمتى كان لينا على القلم سلطان؟؟؟




يا هموم يا منقوع النكد فى بحر الحياه


مظلوم أنا فى الدنيا ظلم الحواه

تتعب وتلف وتدور فى الطريق

وعمرها ما قابلت غيرك فى منتهاه





الحزن مين يقدر يرده ولو جدع

والقلب مين يقدر يصده عن الخدع

قول يا قلم أكتر عن الألام

إيه حرك الإنسان و هده غير الوجع!!
 

 

الله يا خالق الأكوان رب السما

عايش حياتى على الأرض ومنها أنا

نفسى يارب لما يؤون الأوان



ويحين مماتى أكون بنفس مطمنه




الدنيا صعبه ومن جروحى شكيت

ولما جيت أحكى اللى عندى لقيت

الهم مالى الناس .. قتل الهنا

والحزن غطى جميع نواحى البيت



يا قلبى ليه مال الدموع خنقاك

أصرخ ونوح .. خرج جروح جواك

القلب قال نوحى يهد جبال

خلينى ساكت .. لاحسن فى نوحى هلاك
 
   

الدمعه بين جفنين



الدمعه بين جفنين رافضه الخروج يا عين

والدم ساقى الشوك زارعه فى قلب حزين

وضلوعى مما شالت أصبح لصوتها رنيم

ترقص على أنغامه أحباب ومش داريين

يا قلبى يا موجوع مال الدموع خنقاك؟

إفتح وخرج جروح مدفونه من جواك

أصرخ بعلو الصوت .. نوَّح من اللى بلاك

خرج همومك يالا .. إرميها م الشباك

القلب بص بنظره وقالى ايه اللى دهاك؟

سيب الصراخ جوايا .. لأحسن يهد قواك

سيب الجروح مدفونه .. لاحسن خروجها

.

.

هلاك

Sunday, April 11, 2010

سِياااان




بكاءُ العينِ لا يُدمِع

بكاءُ القلبِ لا يُدمِى

أنا فى زمانِ القهرِ

لا أعرف مدى حزنِى

أعيشُ اليومَ كالأمسِ

وأخشى من الغدِ المضنى

فما الدنيا سوى شغبٍ

سوى لعبٍ

سوى غضبٍ

لهيب يحرق الجسدٍ

ويَذْرِى رمادُه اليأسِ

فما من اوانٍ آنَ للتِحنَانِ والأملِ

وما من زمانِ كان فيه الحبُ للأبدِ

وما عاشَ عاقلاً فى الدنيا يُنشِدُ الخُلدِ

فغداً يوماً سيأتى

وسأمضِى بلا ريبٍ

سأستريحُ من التعبِ

على وسادة اللحدِ

ولكن حين يحينَ المساءِ

وتمضى الشمسُ للغربِ


تذكروا أنى هناك

على شوك الحياه أمضى

يأخذنى حنين الشوق

يحملنى على النسماتِ


أَشتَمُ رائحة البيتِ

وأنادى بما فى الصوتِ من عزمِ

أحبابى إنى أتيت

فيأتينى صدى صوتى

أن قد تأخر الوقت

فأعودُ على رياحِ الدنيا فى عجلِ

وأغمسُ عقلى وما به من أفكارٍ فى العملِ

على أمل بأن يتجددَ الوعدِ

وأن أذهب عند النداءِ فى هدوءٍ
.
.
.


بلا صخبِ

Friday, April 9, 2010

الدنيا ليه بتشدنا دايماً لتحت !!!



الدنيا ليه بتشدنا دايما لتحت

والحلم طاير فى السما وملهش حد

وأنا اللى حاير فى الحياه خايف يموت

ومعلقينه فى الهوا ورجليه فى الأرض


**********


الدنيا ليه واقفه دايماً ضدنا



كل اما نحلم حلم


نلاقى حد يهدنا


وكأن الظلم فى الحياه دى واقفلنا


بالمرصاد وملهش رد


الدنيا ليه بتشدنا دايماً لتحت




**********




الدنيا ليه عايزانى أعيش جوه البحار


زى السمك الكبير ياكل الصغار


وإن قلت يوم أهرب وأقرب من الشط


أخاف يصيدونى وأنكوى بالنار


الدنيا ليه بتشدنا دايما لتحت




**********




لكن يا دنيا مهما كان


ومهما صار منك بجد


هفضل واقفلك فى الحياه


وكلى مليان بالتحدى


زى الجبل أو زى السد


مهما حاولتى تهدى فيه


عمره ما يتهد




**********

Wednesday, April 7, 2010

هل تبكين؟!!




 
سألتُها هل تبكين؟؟؟

على أى شئٍ دموعكِ تُسقطين؟؟

أعلى المٍ بالجوانح يقتلُ

أم على قلبٍ حزين؟؟



سألتُها هل تبكين؟؟

أى شئِ تندبين؟؟

أفؤادٍ ممزق من الهوى

أم نفسٌ كسيرةٌ أرهقتها السنين؟؟



سألتها هل تبكين؟؟؟

علامَ تبكين؟؟

أعلى صديق تركك فى الطريق

بعد ان أودَع بِرَوحِك جُرحٌ يذوبُ من الانين؟؟



بربك خبرينى لَما البكاء؟؟

هل سقط الرعد وهوى السحاابُ من السماء؟؟

هل أشتعلت الناار فى قلبكِ فتركت جسدكِ خواء؟؟

هل أدمى قلبك صوت الاطفال والشهداء؟؟

أم مزق روحك عويل النساء الصاعد معهم الى السماء؟؟



هل حقاً تنشدين الرثاء؟؟

رثاء الموتى فى حقول القتلى السودااء

أم رثاء الحمقى على مكاتبهم ويدِهِم ملطخةٌ بالدماء



لعَمرِكِ خبرينى يا ابنة البيداء

هل هو بكااءٌ أم عويل؟؟

أم هو صرخة أم مكلومه شقت جوف الليل الطويل؟؟



ان كان الامر كذلك اذن فابكى

ابكى يا ابنة النيل والفراتين والخليل

ابكى فمهما طال الظلام ومهما سادت الخيانة

ومهما استمر قلب الموت حجرا فى يد القتيل



سيأتى يوما يصحو الموتى فيه من القبور

وينتشروا فى البصره وغزه والجولان والجليل

ابكى

فغدا بكاؤك يصبح انهارا تمحو ادناس الخنازير

ابكى

بربى بكاؤك هو الدليل

دليل على حياة قلب هذى الأمه

مهما اختلفت فى حكامها الاقاويل